Vought F4U Corsair

Vought F4U Corsair
'n Gerestoureerde Corsair uit die Korea-era
Tipe	Vegvliegtuig
Vervaardiger	Chance Vought
Ontwerp deur	Igor Sikorsky & Rex Beisel
Nooiensvlug	29 Mei 1940
Bekendstelling	28 Desember 1942
Onttrek	1979 (Honduras)
Hoofgebruikers	Amerikaanse Lugmag Britse Lugmag
Aantal gebou	12 571

Die Vought F4U Corsair was 'n Amerikaanse enkelsitplek, eenmotorige vegvliegtuig wat tydens die Tweede Wêreldoorlog en Korea-oorlog gebruik is. Hierdie vegvliegtuig was ook van die beste vliegtuie van die oorlog, dit het onder andere die grootste skroef en kragtigste enjin gehad: Pratt & Whitney R-2800 Double Wasp. Niemand was verbaas toe die prototipe reeds vinniger as 640 km/h (400 mpu) gevlieg het nie, die eerste prototipe wat dit kon regkry. Die vliegtuig was ontwerp om twee masjiengewere in die vlerke en twee in die romp te dra maar later het ses 12,7 mm masjiengewere die standaard geword. Die masjiengewere was in die buitenste gedeelte van die opvoubare vlerke geïnstalleer. Kanonne en vuurpyle is later bygevoeg.